Recent Posts | Bizioner

فندق ولا اروع من برجه من بحر من غرفه واحسن شي فيهم الرووم سيرفيس وكل غرف الفندق عالبحر وكل ماخذتو غرفه اجرب عالبحر كان احسن الي يشتغلون فالفندق دايما مبتسمين ومعاملتهم نايس حبيت البحر مالهم ومفتوح حق الكل طول اليوم

روتي جبن مع شاي حايب بس كشخة 😂😂 باباروتي يعجبني الروتي مالهم لين وطعمه حلو اليوم اول مره ايي مال الانماء حبيت القعده مالتهم اكبر من اي فرع ثاني والمجمع هادي مناسب حق قعدة سوالف او دراسه

فندق محترم واللوبي ماله عالم ثاني حركات وطبيعة جميلة وقت العصريه فيه فرقة من ثلاث بنات يعزفون على بيانو وناي وكمان. غايته في هالجو قعده برع تشوف حديقة الفندق والبحر ومشهد حلو لخليج البحرين بس المطعم مال اللوبي ماعندهم خيارات وايد مثل فنادق ٥ نجوم الثانيه

فندق روعه اينن الغرفه كشخه و عوده اهم شي تاخذون من الطابق الخامس ورايح فوق عشان تشوفون مناظر حلوه عالبرجه والبحر والنافوره مع الليتات حلوه احلى فندق عالبحر في البحرين وميزانيته زينه 😊😉

انا مب من الي مدمنين على القهوه والي مايقدرون يمشون يومهم من غير كوفي بس وقت الي بشرب ابي اشرب شي مزاج وماحصلت احلى من اسكويرز الكوفي مالهم سحري ان طلبته حار ولا بارد دايما ريحته وطعمه يعدلون مزاجي واحسن شي انه في عوالي بعيد عن الزحمه وممتاز حق الي يدور الهدوء